O Canada

O Canada
Partitura del himnu nacional de Canadá cola so respectiva lletra n'inglés, francés y inuktitut.
Información xeneral
Himnu de	Canadá
Nome alternativu	En francés: Ô Canada En inuktitut: Uu Kanata
Lletra	Adolphe-Basile Routhier (en francés, 1880) Robert Stanley Weir (n'inglés, 1908)
Música	Calixa Lavallée, 1880
Adoptáu	1 de xunetu de 1980
Multimedia
Versión instrumental ¿Problemes al reproducir esti ficheru?
[editar datos en Wikidata]

O Canada ye'l himnu nacional de Canadá. La música foi compuesta por Calixa Lavallée, y el testu orixinal en francés foi escritu por Sir Adolphe-Basile Routhier como cantar patrióticu francocanadiense pa la Société Saint-Jean-Baptiste.

Foi presentada per primer vegada'l 24 de xunu de 1880 pa la fiesta de San Xuan Bautista, santu patrón de los francocanadienses.

Nun foi confirmáu como l'himnu nacional hasta'l 1 de xunetu de 1980. Hasta entós l'himnu nacional fuera God Save the Queen, qu'anguaño sigue siendo'l himnu real de Canadá.

El testu oficial inglés ta basáu nun poema de Robert Stanley Weir escritu en 1908. Nun ye una traducción de la versión francesa. Unos cambeos a la versión inglesa fueron aprobaos en 1968 por un comité del Senáu y la Cámara de Comunes.

Los poemes en dambes llingües tienen más estrofes, pero solamente la primera de cada idioma ye reconocida llegalmente como himnu nacional. Yá que Canadá ye un país oficialmente billingüe, dambes versiones tienen calter igualmente oficial. De fechu el Gobiernu de Canadá utiliza en tolos actos oficiales la versión billingüe anque nun tea oficializada.^[1]

1. ↑ Versión billingüe d'O Canada (en francés) - (n'inglés)